врти (несв.)
Бесодржателните прикажувања на Кауцки за ултраимперијализмот ја потхрануваат, помеѓу другото, онаа длабоко погрешна мисла, која ја врти водата кон воденицата на апологетите на империјализмот, дека божем господството на финансискиот капитал ги слаби нерамномерностите и противречностите внатре во светското стопанство, додека тоа фактички ги јакне.
„Империјализмот како највисок стадиум на капитализмот“
од В. И. Ленин
(1917)
Слободната конкуренција е основното својство на капитализмот и на стоковното производство воопшто; монополот е директна спротивност на слободната конкуренција, а оваа на наши очи почна да се претвора во монопол, создавајќи крупно производство, истиснувајќи го ситното, заменувајќи го крупното со уште покрупно, доведувајќи ја концентрацијата на производството и капиталот до тоа што од него израсна и израснува монопол: картели, синдикати, трустови и капитал на десетина банки, кај кои се вртат милијарди, капитал што со нив се спојува.
„Империјализмот како највисок стадиум на капитализмот“
од В. И. Ленин
(1917)
Ај, со здравје. Да не те вртиме оти Панде ќе се кара. (Го бакнува во челото).
„Парите се отепувачка“
од Ристо Крле
(1938)
Јас, луѓе, слегвам. И вие не вртете се! (Излегува).
„Парите се отепувачка“
од Ристо Крле
(1938)
Оти тој не се врти многу овде, во селава арнаутски си држи дуќан—Мокрава.
„Антица“
од Ристо Крле
(1940)
И што чека сега, што се врти! (се насмевнува).
„Антица“
од Ристо Крле
(1940)
Над градот е омарнина, по кеот мрака паднала, преку мост тропат копита, а Вардар лудо забрзал, галеби бели покренал а в соба тесна таванска Панче со млади студенти лист по лист вртат зборници.
„Робии“
од Венко Марковски
(1942)
- И велиш бездруго ќе не примат? – прашаше кој знае по кој пат Мече, вртејќи со глава како да не му се верува.
„Бегалци“
од Јован Бошковски
(1949)
Борците се вртеа еден околу друг, бараа слабо место за напад, диво стенкаа.
„Улица“
од Славко Јаневски
(1951)
Мајка му на Димка вртеше глава, чиниш кос е, и му се потсмеваше: - А јас поинаку ја знам таа приказка.
„Улица“
од Славко Јаневски
(1951)
Се вртеше, им даваше знак на пајтоните и камионите кога и каде да минат.
„Улица“
од Славко Јаневски
(1951)
И колку даскалот му забрануваше да се врти натаму, толку повеќе му се сакаше да гледа.
„Крпен живот“
од Стале Попов
(1953)
И поп Трајко си ја рече старата песничка: истата онаа што му ја пееше на Илка пред десетина-петнаесет години кога го вртеше околу ова бурилце со Стојанка.
„Крпен живот“
од Стале Попов
(1953)
Само вртат, сиромаси сватовите, околу куќа, внатре не можат да влезат.
„Крпен живот“
од Стале Попов
(1953)
Спрснаа и другите, малку како да ја прифаќаат играта, а малку како да му вртат грб на Мартина.
„Луман арамијата“
од Мето Јовановски
(1954)
Петко се врти кон пенушката. Задоволен е што знае повеќе од другите и расположен е да објаснува.
„Кловнови и луѓе“
од Славко Јаневски
(1956)
Кругот се стеснуваше, тие сѐ уште се вртеа околу мене.
„Кловнови и луѓе“
од Славко Јаневски
(1956)
- Чичко... - Што е? - Пушти го Белча. Човекот пак само очите ги врти кон него; лицето му е спокојно, светечки благо.
„Кловнови и луѓе“
од Славко Јаневски
(1956)
Анѓа се осмели да го погледне овој силен Турчин и просто си го виде својот сопствен сурат во неговиот и веднаш се вџаши, па почна да мрда со устата, ширејќи ги рацете за прегратка и вртејќи се кон него. – Ан... Ан... Ан... нгеле, брате!
„Калеш Анѓа“
од Стале Попов
(1958)
Со стадото руди овци по перунските рудини, како свири со својот кавал во утринската мугра, а двата големи овчарски пци мирно ги вртат опашките крај него, секогаш готови да скокнат и да му го скинат гркланот и на најголемиот волк.
„Калеш Анѓа“
од Стале Попов
(1958)
